काठमाडौं – यस अघिको खेलमा पेरुसँग बराबरी खेलेपछि अर्जेन्टिनाको विश्वपकमा छनोट हुने सम्भावना किनै कमजोर बनेको भनी समाचारहरु आइरहँदा २०१८ को रुस विश्वकप स्टार खेलाडी मेसी विनाको हुने होकी भन्ने कुराले निकै चर्चा पायो ।

अन्तिम खेलमा मेसीले इक्वेडर विरुद्ध चमत्कारिक प्रदशृन गरेपछि अर्जेन्टिना सहजै विश्वकपमा छानिन सफल भयो । एक खेलअघि सम्म छटौं स्थानमा रहेको अर्जेन्टिना तेस्रो स्थानमा रहँदै सहजै रुस विश्वकपमा स्थान बनाउँन सफल भयो।

बुधबार  भएको अन्तिम खेलमा इक्वेडरलाई ३-१ गोल अन्तरले पराजित गरी अर्जेन्टिना सजिलै विश्वकपमा छनौट हुन सफल भएमको छ । छनौटका लागि जित्नै पर्ने दबाबमा खेलेको अर्जेन्टिनालाई इक्वेडरले सुरुमै चुनौती दियो खेलको पहिलो मिनेटमै रोमारियो इबाराको गोल मार्फत इक्वेडर खेलमा अग्रता बनाउँन सफल भयो ।

११ औ मिनेटमा गोल गर्दै मेसीले खेल बराबरीमा पुर्‍याए । मेसीले १८ औं मेनिटमा गोल गरी खेलमा अग्रता बनाए । पहिलो हाफमा २-१ को अग्रता बनाएको अर्जेन्टिनाका लागि तेस्रो गोल पनि ६२ औ मिनेटमा मेसीले नै गरे र ह्याट्रिक पनि गर्न सफल भए ।

बुधबार बिहानै भएका दक्षिण अमेरिकी समूहको विश्वकप छनोट अन्तर्गत अन्य खेलका नतिजा पनि अर्जेन्टिनाको अनुकूल आएपछि विश्वकप यात्रा सहज बन्यो ।

अन्य खेलमा ब्राजिलले चिलीलाई ३-० ले पराजित गर्‍यो । उरुग्वेले बोलिभियालाई ४-२ र भेनेजुयलाले पराग्वेलाई १-० ले पराजित गरे भने कोलम्बिया र चिलीले १-१ को बराबरी खेले । खेलपछि दक्षिण अमेरिकी समूहबाट ब्राजिल, उरुग्वे, अर्जेन्टिना र कोलम्बिया सिधै विश्वकपमा छानिएका छन भने । पेरुले टनोटका लागि प्लेअफ खेल्ने भएको छ ।

यसअघिका विश्वपममा उत्कृष्ट प्रदर्शन गरेको,  कोपा अमेरिका च्याम्पियन चिली भने विश्वपकबाट बाहिरिएको छ ।

LEAVE A REPLY

Please enter your comment!
Please enter your name here