– जितु नेपाल (मुन्द्रे)
 जीवनका महत्वपूर्ण समयलाई चौबीसै घण्टा घोप्टो मुन्टो लगाई मोबाइल मात्र हेरेर चाँडै आँखाको दृष्टि गुमाउनतिर लाग्दिनँ ।
 फेसबुक चलाउने समय निर्धारण गर्छु ।
 साथीभाइसँग बस्दा गफगाफमा ध्यान दिन्छु । घोप्टो मुन्टो लगाएर को आयो, को गयो थाहै नहुने गरी फोनमा झुन्डिन्नँ ।
 कुनै कार्यालय, होटल वा रेस्टुराँमा पुग्दा सबैभन्दा पहिले वाईफाईको पासवर्ड माग्दिनँ ।
 घरभित्र प्रवेश गरेपछि परिवारलाई समय दिन्छु ।
 अरूलाई अनावश्यक म्यासेज पठाउँदिनँ र यो सेयर गर्देऊ र ऊ सेयर गर्देऊ भनेर दु:ख दिन्नँ ।
 यो म्यासेज पढेर कम्तीमा पनि २५/३० जनालाई पठाउनुहोला भन्ने खालका म्यासेज देख्ने बित्तिकै डिलिट गर्छु ।
 बेला–बेलामा समय सान्दर्भिक तथा आफ्ना कुरा लेख्छु, अनावश्यक कुरा लेखेर गाली खाने काम गर्दिनँ ।
 अरूले लेखेको कुरा कपी पेस्ट गरेर विद्वान् हुन खोज्दिनँ ।
 अति नै सान्दर्भिक सन्देश एवं चेतनामूलक कुराबाहेक घरी न घरी जे पायो त्यही सेयर गदिँनँ ।
 बिहानै ६ बजे ओछ्यानबाटै स्टाटस लेखेर प्रवचन दिने काम गर्नेछैन ।
 अरूलाई गाली गरेर आफू सज्जन बन्न खोज्दिनँ ।
 आफ्ना फ्रेन्ड, शुभचिन्तक तथा फलोअर्सहरूलाई भ्याएसम्म जन्मदिन आदि शुभकार्यमा बधाई तथा शुभकामना दिनेछु ।
 खाना खाको, पेट दुखेको, निन्द्रा नलागेको, बूढीसँग झगडा परेको, दिक्क भएको, वाक्क लागेको आदि कुरा गरेर अरूलाई दिक्क पार्दिनँ ।
 मान्छे मरेका, बिरामी भएका, दुर्घटनामा परेकाहरूका तस्बिर लाइक गर्दिनँ, कमेन्टमा दु:ख व्यक्त गर्नेछु ।
 मासु काटेको, खसी काटेको, कुखुरा भुत्ल्याएको, मासु पकाएको, रक्सी खाएको जस्ता तस्बिरमा लाइक तथा कमेन्ट केही गर्नेछैन ।
 जोसँग भेट्यो कि थुतुनो चुच्चो पारेर सेल्फी खिच्न हतारिनेछैन ।
 ओछ्यानमा पल्टिएर फेसबुक चलाउँदै १२/१ बजे निदाएर बिहान ९/१० बजे उठ्नेबित्तिकै फेरी मोबाइल समातेर ट्वाइलेट जाने काम बन्द गर्छु ।
 धेरै कुरामा जान्ने–सुन्ने हुँदै हरेक कुराको विश्लेषक बन्नेछैन ।
 राजनीतिक कुरामा खासै ध्यान दिन्नँ ।
 सकिन्छ आफैंले व्यक्तिगत सहयोग गर्छु र त्यसको जानकारीसम्म दिन्छु तर अरूसँग पैसा मागेर कसैलाई सहयोग गरेको तस्बिर राखेर ठूलो समाजसेवीको पहिचान बनाउनतिर लाग्दिनँ

LEAVE A REPLY

Please enter your comment!
Please enter your name here